Euskarabildua - Albisteak

Albisteak

Konponduta izen-emate prozesuan zegoen arazoa

Zuetako batzuek arazoak izan dituzue izen-emate formularioa betetzerakoan; kasu batzuetan errore mezu bat agertzen zen formularioa bidaltzerakoan. Arazo hori konponduta dago eta izena eman dezakezue. Barkatu eragozpenak.

Euskaldun, katalan eta portugaldar aditu banak IKTak eta hizkuntzen irakaskuntzari buruzko gogoeta egingo dute Euskarabilduako lehen mahai-inguruan.

Nola erabili daitezke IKTak hizkuntzen irakaskuntzan? Zer abantaila eskaintzen dizkigute eta zer zailtasun? Antzerako galderen inguruan hausnartzeko aukera egongo da Euskarabilduak antolatutako lehen mahai-inguruan. Aurreko bi edizioetan parte-hartze guztiak ponentziak izan dira.

Ikus-entzunezkoetan oinarritutako hizkuntzen irakaskuntzarako bi tresna informatiko erakutsiko dira: Ikuslang eta ClipFlair

Goizeko saioan, atsedenaldiaren aurretik, ikus-entzunezkoetan oinarritutako hizkuntzen irakaskuntzarako bi proiekturen erakustaldia eskainiko dugu. Lehendabizi, Iametzako (http://www.iametza.com) Iker Olkozek eta Asier Iturraldek Ikuslang proiektuari buruz hitz egingo dute; eta ondoren, DeustoTech-eko (http://www.deustotech.deusto.es) Mari Luz Guenagak ClipFlair plataforma azalduko du. Biek ala biek ikus-entzunezko tresnen bitartez hizkuntzak ikasteko aukera eskaintzen dute. Jakina da, hizkuntzak modu isolatu batean egindako ariketetatik baino, hobeto barneratzen direla ikusiz eta entzunez; eta horixe da bi esperientzia hauek oinarri dutena.

Aurkeztutako gaien inguruan gogoeta egiteko talde dinamikak antolatu ditugu arratsaldeko saiorako

Aurten, lehen aldiz, arratsaldera luzatuko da Euskarabildua. Goizeko ponentzia, mahai-inguru eta erakustaldietan aurkeztatukoaren inguruan gogoeta egiteko gunea eskainiko dugu aurtengo Euskarabilduan. Hala, arratsaldeko saioan, World Cafe formatuan, beste parte-hartzaileekin solasean aritzeko aukera izango duzue izena ematen duzuenok. Saio horretan aritzeko bi gaien artean aukeratu behar duzue: IKTak hizkuntzen irakaskuntzan eta IKTak eta hiri hezitzailea.

Hizlari ezagunak Euskal Herrikoak nahiz kanpokoak

Pasa den edizioetan bezala, Euskal Herriko esperientzia eredugarrien berri izateaz gain, kanpokohainbat adituren hitzaldiak entzuteko aukera izango dugu.

Euskarabilduak hezkuntzaren dimentsio berria jorratuko du, hiri hezitzailea

Euskarabilduaren goizeko saioan, atsedenaldiaren ondoren hiri hezitzailearen gaia landuko da. Horretarako bi hitzaldi antolatu ditugu: Belen Maiza Ordiziako zinegotziak euren esperientziaren berri emango du eta ondoren Bartzelonako Laia Coma irakasleak IKTek hiri hezitzailean joka dezaketen paperari buruz hitz egingo du. Gainera, arratsalderako antolatu diren talde dinamiketako bat izango da “IKTak eta hiri hezitzailea” .

Izen ematea irekita dago

Azaroaren 6an San Telmo Museoan izango diren Euskarabildua jardunaldietan izen emate epea irekita dago. Jardunaldiak guztiz doakoak izango dira.

Aurten lehen aldiz, arratsaldean talde dinamika saioak antolatu dira. Hala, izena ematerako orduan zein saiotan parte hartu nahi den zehaztu beharko da–goizez, arratsaldez, edo bietan−.

Azaroaren 6an ospatuko dugu Euskarabilduaren 3. edizioa

Irakaskuntza eta ikasketa prozesu eta metodologietan IKTek dakartzaten abantailei eta erronkei helduko diegu aurtengo Euskarabildua jardunaldian, azpimarra berezia jarriz hizkuntzen irakaskuntzan eta hiri hezitzailean. Gainera, aurten jardunaldiak berrikuntza nabarmena ekarriko dute, arratsaldean gaiari buruzko talde dinamikak antolatu baititugu.

Dagoeneko hainbat ponentzia kontsultagai daude

Arantza del Pozoren (Vicomtech-IK4), Nora Barrosoren (EHU) eta Carles Solaren (Plataforma per la Llengua) hitzaldiak dagoeneko kontsulgai daude webguneko ponentzien atalean.